КХДР ҳукумати ҳисоб бўйича тўртинчи ядровий синовларга тайёргарлик кўрмоқда. Бу ҳақда «ТАСС» хабар бермоқда.
Мухолифатдаги Янги сиёсатнинг демократик альянси партиясидан сайланган депутат Син Гён Мин ва ҳукмрон «Сэнури» партиясидан сайланган Ли Чхол Унинг разведка хизматлари ҳисоботларига асосланиб баёнот беришича, «Пхеньян аниқ санаси ҳозирча номаълум бўлган ядровий синовларни ўтказишга тайёргарлик кўрмоқда, деб тахмин қилиш учун барча асослар бор».
Yonhap агентлигининг қайд этишича, Жанубий Корея парламенти йиғилиши давомида депутатлар «КХДР қитъалараро ракетани ишлаб чиқишга ҳали ҳам қодир эмаслиги» яна бир бор таъкидлаган.
2006, 2009 ва 2013 йилларда КХДР ядровий синовларни ўтказган. Бунга жавобан БМТ Хавфсизлик кенгаши Пхеньянга нисбатан турли санкциялар жорий этган. Сўнгги икки йил давомида Шимолий Корея АҚШ ва Жанубий Кореянинг биргаликдаги ҳарбий машғулотларига жавобан фақат баллистик ракеталарни учирди, ядровий синовларни эса ўтказгани йўқ.
Изоҳ (0)