ATP рейтингида Денис Истомин 14, Фаррух Дўстов 7 поғона кўтарилди

Бугун, 19 октябрь куни профессионал теннисчиларнинг ҳафталик янги рейтинги эълон қилинди, деб хабар беради «Оламспорт».

Ўзбекистоннинг биринчи рақамли теннисчиси Денис Истомин ўтган ҳафтадаги ўрнига нисбатан бир йўла 14 поғона кўтарилиб, 53-ўринни эгаллаб турибди. Истомин 17 октябрь, шанба куни якунига етган Тошкент «Челленжер» турнирида бош мукофот билан бирга қимматли 125 рейтинг очкосини қўлга киритганди.

Ўзбекистоннинг иккинчи рақамли теннисчиси Фаррух Дўстов эса 7 поғонага кўтарилиб, айни пайтда 127-ўринни банд этган. Дўстов ўтган ҳафта Тошкент «Челленжер»ида чорак финалга қадар етиб келганди.

Дунё теннисчилари рейтингини эса ҳамон катта фарқ билан сербиялик Новак Жокович бошқариб бормоқда. Иккинчи ўринга британиялик Энди Маррей кўтарилиб олди. Швейцариялик Рожер Федерер эса учинчи ўринга пастлади. Франциялик Жо-Вильфред Тсонга Шанхай Masters турнирида финалга етиб боргани боис, беш поғонага кўтарилиб, кучли ўнталикка кириб олди.

ATP рейтинги:

1 (1). Новак Жокович (Сербия) — 167852 (3). Энди Маррей (Буюк Британия) — 87503 (2). Рожер Федерер (Швейцария) — 84304 (4). Стэн Вавринка (Швейцария) — 66305 (5). Томаш Бердих (Чехия) — 48406 (6). Кеи Нисикори (Япония) — 47057 (7). Рафаэль Надаль (Испания) — 43308 (8). Давид Феррер (Испания) — 38059 (9). Милош Раонич (Канада) — 282010 (15). Жо-Вильфред Тсонга (Франция) — 259053 (67). Денис Истомин (Ўзбекистон) — 825...127 (134). Фаррух Дўстов (Ўзбекистон) — 452

Изоҳ: Қавс ичида теннисчиларнинг ўтган ҳафтадаги ўрни берилган.