Қочоқларни жойлаштириш режалаштирилган Швециянинг жануби-ғарбидаги Кунгсбак коммунасидаги собиқ мактаб биноси 18 октябрга ўтар кечаси ёниб кетди. Бу ҳақда, швед телеграф бюроси тақдим этган маълумотларга асосланиб, «Эхо Москви» хабар беради.
Ёнғинни бартараф этишга учта ўт ўчирувчилар бригадаси жалб этилди. Полиция воқеа жойини қуршаб олди. Ёнғин сабаблари аниқланмоқда.
Кунгсбакдаги ёнғин мамлакат жанубида жойлашган Юнгбю коммунасидаги мактабга ўт қўйиб юборилгандан кейин бир кун ўтар-ўтмас содир бўлди. У ерда ҳам қочоқларни жойлаштириш режалаштирилган эди.
14 октябрь, чоршанба куни маҳаллий ҳукумат томонидан Швецияга ота-онасиз кириб келаётган вояга етмаган қочқинларни жойлаштиришга мослаштирилган, Сконе провинциясига қарашли Арлёв ҳудудидаги муваққат ёғоч уйи ёниб кетди. У ёнғин содир бўлган кундан кейинги кун очилиши керак эди.
Изоҳ (0)