Бугун,

  • USD 11014.01
  • RUB 191.8
  • EUR 10674.78

Челябинскнинг «Центурион» ҳаваскор хоккей жамоаси ўйинчиси Евгений Перовский Тунги хоккей лигаси (ТХЛ)нинг ўзи иштирок этган гала-учрашуви ҳақида сўзлаб берди. Бу ҳақда «NewsRu.com» хабар бермоқда.

Фото: «NewsRu.com»

Фото: «NewsRu.com»

Россия президенти Владимир Путиннинг туғилган кунида бўлиб ўтган учрашувда ҳам профессионал, ҳам ҳаваскор хоккейчилар, шунингдек, юқори мартабали давлат арбоблари қатнашган.

«Биз кийим алмаштириш хонасига кирдик, у ерда бизнинг зўр майкаларимиз, гетраларимиз бор эди, ҳаммаси Континентал хоккей лигасидагидек эди. Ўйин камида бир соатга кечикишини айтишди, қаҳва, чой олиб келишди. Кейин мураббий келиб, Путин ўзига қарши ҳаваскорлар ўйнашини истаётганини айтди. Биздан тезгина жамоа тузишди, ҳимояда ‘Қозон аждарҳолари’дан келган болалар ўйнади, қанотда мен ва ‘Неоплан’ ўйинчиси, марказда эса яна бир ҳаваскор хоккейчи — Игорь Бутман ҳаракат қилди», — деди Перовский.

Путинга қарши, шунингдек, ишбилармонлар Геннадий Тимченко, Аркадий ва Борис Ротенберг, Москва вилояти губернатори Андрей Воробёв, Татаристон раҳбари Рустам Минниханов, ишбилармонлар Борис ва Михаил Зингаревич, Тверь вилояти губернатори Андрей Шевелёв ўйнади.

Президент жамоасини Вячеслав Фетисов, Алексей Касатонов, Павел Буре, Валерий Каменский, Александр Могильний, Алексей Жамнов, Александр Якушев ва Сергей Макаров каби таниқли хоккей усталари, шунингдек, Россия мудофаа вазири Сергей Шойгу кучайтирди.

«Албатта, махсус кўрсатмалар ҳам берилди. Путиннинг олдида ‘яшил чироқни ёқиш’ кераклигини айтишди. Унинг олдида йиқилмасликни, унга тасодифан урилиб кетмасликни сўрашди. Қолган барча масалада ‘ҳақиқий ўйин кўрсатинг’, дейишди. Икки марта ўйинга берилиб кетиб, Путиннинг ёнидан жуда яқин ўтиб кетдим. У менга шундай қараб, кулиб қўйди... Мен ўша вазият видеоёзувини қайта-қайта кўрдим, жуда ғалати вазият юзага келган. Умуман олганда, ўйиндаги таассуротларни сўз билан таърифлаб бўлмайди», — деди ҳаваскор хоккейчи.

Маълумот учун, ўз туғилган кунида бўлиб ўтган мазкур учрашувда Путин еттита шайба солди, унинг жамоаси эса 15:10 ҳисобида ғалаба қозонди.

Изоҳ
Асосий янгиликлар