Бугун,

  • USD 10940.05
  • RUB 182.26
  • EUR 11121.65

Венесуэла президенти Николас Мадура америкалик ҳамкасби Барак Обамани икки мамлакат ўртасидаги муносабатларни яхшилаш жараёнларига тўсқинлик қилишда айблади, деб хабар беради «РИА Новости».

Фото: «РИА Новости»

Фото: «РИА Новости»

Венесуэла президентининг айтишича, унинг ҳукумати Вашингтондан тавсия этилган янги элчи номзоди бўйича ҳеч қандай жавоб олмади. Ваҳоланки, номзод тавсия этилганидан бери бир ярим йилдан кўпроқ вақт ўтди.

«Президент сифатида дипломатик каналлар қидирдим, у ерга элчи жўнатдим, бироқ орадан бир ярим йил ўтганига қарамай, Вашингтон номзодимизни маъқуллагани йўқ», — дея Мадура сўзларидан иқтибос келтиради Мексиканинг El Universal портали.

2014 йилнинг февралида Венесуэла 2010 йилдан бери бўш турган АҚШдаги элчи лавозимига Максимилиан Арвелаес номзодини кўрсатган. Ўша пайтда Венесуэла ташқи ишлар вазирлиги ўз қарорини расмий Каракаснинг очиқ ва ҳалол дипломатик муносабатлар ўрнатишга қаратилган интилиши сифатида баҳолаганди.

Аслида бу машмашалар 2010 йилнинг декабрида Венесуэланинг ўша пайтдаги президенти Уго Чавес президент Обама томонидан элчи этиб тайинланган Ларри Палмер номзодини Венесуэлага нисбатан ҳақоратомуз сўзларни айтганликда айблаб рад этганди. Шундан сўнг АҚШ Венесуэла элчиси Бернардо Альварес визасини бекор қилганди. Оқибатда ҳанузгача икки мамлакат дипломатик миссияларига муваққат элчилар раҳбарлик қилиб келади.

Изоҳ
Асосий янгиликлар