Халқаро валюта жамғармаси (ХВЖ) 2015 йилда Украина иқтисоди пасайиши бўйича башоратни аввалги 9 фоиздан 11 фоизга ўзгартирди. Бу ҳақда жамғарманинг мамлакатдаги миссияси томонидан тарқатилган пресс-релизда маълум қилинган, дея хабар беради «Корреспондент.net».
«Гарчи Украинадаги макроиқтисодий вазият секин-аста барқарорлашиб бораётган бўлса-да, биринчи ярим йилликда мамлакат иқтисодиётидаги пасайиш кутилганидан салмоқлироқ бўлиб чиқди, — дея таъкидланади ҳужжатда. — Шу сабабли миссия 2015 йилдаги иқтисодий пасайиш кўрсаткичларини 11 фоизгача ўзгартиришга қарор қилди».
Жамғарманинг келгуси йил учун башорати ўзгаришсиз қолди — 2% ўсиш. ХВЖ истеъмол ва инвестиция кайфиятининг яхшиланиши, кредитлашнинг кенгайиши, экспорт амалиётларининг кўпайиши иқтисодиётнинг тикланишига кўмак беришига умид қилмоқда.
Изоҳ (0)