Қирғизистон президенти Алмазбек Атамбаевнинг сўзларига кўра, парламент сайловларидан сўнг, мағлуб партиялар томонидан уюштириладиган, мамлакатдаги ижтимоий-сиёсий вазиятни издан чиқаришга қаратилган ҳаракатларга йўл қўйилмайди, давлат тўнтаришига уринишлар эса қамоқ билан жазоланади. Бу ҳақда Tengrinews хабар бермоқда.
«Конституцияга мувофиқ, Қирғизистон президенти Конституция кафили эмас, бироқ давлат раҳбари сифатида, бутун масъулиятни ўзимга олиб айтаман — [давлат тўнтаришини уюштиришга уринган] бундай шахсларни қамаймиз, уларга нисбатан куч ишлатамиз», — деди Атамбаев.
Атамбаевнинг қайд этишича, мамлакат ҳукумати ва раҳбарияти соф ва шаффоф парламент сайловларини ўтказиш учун барча чораларни кўрди. Қирғизистон президентининг ёдга солишича, икки йилдан сўнг мамлакат давлат раҳбарини ҳам сайлайди.
Эслатиб ўтамиз, 4 октябрь куни Қирғизистонда парламент сайловлари бўлиб ўтмоқда.
Изоҳ (0)