АҚШнинг Шимолий Каролина штатида истиқомат қилувчи аёл 2014 йил январида фарзандини очликдан ўлдиргани учун 25 йилга озодликдан маҳрум этилди. Бу ҳақда «ТАСС» хабар бермоқда.
Терговчиларнинг аниқлашича, 36 ёшли Жессика Женсеннинг 13 ёшли ўғли Эйден Боссингемнинг оғирлиги бевосита ўлими арафасида атиги 9,5 килограммга тенг бўлган. Болада гормонал бузилиш юз берган бўлиб, бу ҳолат гипофиз фаолиятига таъсир қилган.
Бола таом истеъмол қилганидан сўнг, қайт қилиб юбораверган. Мажбурий очлик ҳаддан ташқари зўриқишга сабаб бўлган, шунга қарамай она бир неча йил давомида фарзандини шифокорларга кўрсатмаган.
Аёлнинг адвокатлари суддан айбланувчининг чин кўнгилдан иқрори эвазига жазо чорасини юмшатиб, 16 йилга озодликдан маҳрум этишни сўради. Бироқ судья округ суди Гери Ли «айбнинг оғирлиги ва далиллар аниқлиги» сабаб бу илтимосни рад этди.
Жессикага нисбатан расмий айблов 2014 йил мартида эълон қилинганди. Аёл ўзининг айбсиз эканлигини таъкидлаган эди.
Изоҳ (0)