Эрон ташқи ишлар вазирлиги Баҳрайннинг мамлакатдаги элчихонасида лавозим бўйича элчидан сўнг иккинчи дипломат ҳисобланган Бассам ал-Доусарини «персона нон грата» – мамлакатда бўлиши исталмаган шахс деб эълон қилди ва 72 соат давомида Эронни тарк этишини талаб этди. Бу ҳақда «ТАСС» хабар бермоқда.
Теҳрон Баҳрайн ташқи ишлар вазирлиги Эрондаги элчисини чақириб олгани ва Ислом республикасининг қиролликдаги ишончли вакили Ризо Бобойини «персона нон грата» деб эълон қилганига шундай жавоб берди. Баҳрайн ТИВ ўз қарорини «Эрон мамлакатнинг ички ишларига аралашишни тўхтатмаётгани» билан изоҳлаган.
Мамлакатда полиция томонидан қўлбола портловчи қурилмалар тайёрланадиган омбор топилган ва бир неча киши ҳибсга олинган эди. Баҳрайн бу ва шунга ўхшаш ҳолатларда қиролликдаги вазиятни издан чиқармоқчи бўлган Эрон билан боғлиқ кучларнинг қўли борлигини гумон қилмоқда. Ўз навбатида, Теҳрон бундай айбловларни қатъиян рад этиб келмоқда.
Изоҳ (0)