Сурия ташқи ишлар вазири давлатларнинг тинч атомга ҳуқуқини маълум қилди ва Беларусни санкциялардан озод қилишга чақирди

Барча мамлакатлар тинч ядро технологияларини ўзлаштириш ҳуқуқига эга. Бу ҳақда Сурия ташқи ишлар вазири Валид Муаллим БМТ Бош Ассамблеяси сессиясидаги нутқида айтиб ўтди, деб ёзади «ТАСС».

У Эрон атоми бўйича «тарихий келишув»ни маъқуллади, шунингдек, халқаро жамоатчиликни Яқин Шарқда ялпи йўқ қилиш қуролидан холи ҳудуд яратишга кўмаклашиш учун Исроилга босим ўтказишга чақирди.

Муаллим Исроил ва бошқа давлатларни Сурияда терроризмни қўллаб-қувватлашда айблади, шунингдек, АҚШ ва Евроиттифоқни мамлакатларга нисбатан бир томонлама иқтисодий санкциялар киритгани учун танқид қилди. У Сурия, КХДР, Венесуэла ва Беларусь каби мамлакатларга жорий қилинган барча бир томонлама санкцияларни бекор қилишга даъват этди.