«Дуджуан» тайфуни туфайли япон авиакомпанияларининг камида 96 та ички рейси бекор қилинди. Улар орасида All Nippon Airways компаниясининг 40 та рейси ҳам бор. Бу ҳақда «Корреспондент.net» хабар бермоқда.
«Дуджуан» тайфуни шимоли-ғарбга соатига 20 километр тезликда ҳаракат қилмоқда, шамолнинг шиддати соатига 90 километрни ташкил этмоқда. Тайфун айни пайтда Рюкю архипелаги таркибига кирувчи Исигаки ва Ириомоте ороллари оралиғида кузатилмоқда.
Тайфун 28 сентябрь, душанба кечки пайт шу архипелагдаги Сакисима оролларига яқинлашиши кутилмоқда. Метереологлар маълумотига кўра, бу ҳудудда 13 метргача баландликдаги тўлқинлар, 300 миллиметргача ёғинлар ва кучли шамол кутилмоқда.
Изоҳ (0)