Тожикистон мудофаа вазирининг собиқ ўринбосари Абдуҳалим Назарзода беш йил давомида исён кўтаришга тайёргарлик кўрган. Бу ҳақда мамлакат бош прокуратураси маълумотларига таяниб, «Коммерсант.ru» хабар бермоқда.
«2010 йилдан 2015 йил августига қадар Назарзода Ислом уйғониши партияси раиси Муҳиддин Кабирий бошчилигида жиноий ҳамжамият тузиш мақсадида бирлашган тожик мухолифатининг собиқ жангариларига тергов учун ҳозирча номаълум манбалардан 400 дан 600 сомонийгача тўлаб келган. Шу йиллар давомида ҳар бири 30 кишидан иборат 20 дан зиёд жиноий гуруҳлар тузилган, уларнинг аъзолари сони 300 киши атрофида бўлган», — дея маълум қилинади Тожикистон давлат телевидениесида намойиш этилган бош прокуратура репортажида.
Эслатиб ўтамиз, Тожикистон Ички ишлар вазирлиги 16 сентябрь, чоршанба куни исёнчи генерал Абдуҳалим Назарзода ўлдирилганлигини расман тасдиқлади.
Изоҳ (0)