Бугунги кунда тўлов терминалларини қўллаш, улар ёрдамида харидор ва мижозларга сифатли хизмат кўрсатишнинг қонуний тартиблари амалиётга жорий этилган. Шунга қарамай «Ишонч телефон»ларига қилинаётган мурожаатларнинг аксарияти савдо ва хизмат кўрсатиш шохобчаларида савдо қоидаларининг бузилганлиги ҳамда тўловларни пластик карточкалари орқали амалга оширишда ҳисоб-китоб «Терминал» аппаратлари ишлатилмаётганлиги билан боғлиқ масалалар хусусидадир, деб хабар беради Давлат солиқ қўмитаси.
Жумладан, 2015 йил 1 сентябрь ҳолатига давлат солиқ хизмати органларининг «Ишонч телефон»ларига қилинган фуқароларнинг мурожаатлари асосида ўтказилган назорат тадбирлари натижасида 1140 та ҳолатда жами 157 511 500 сўм миқдорида назорат-касса машинасига кирим қилмаслик, 778 та тегишли ҳужжатларсиз маҳсулотлар сотиш ва хизматлар кўрсатиш ҳамда 70 та бошқа солиқ қонунларини бузиш ҳолатлари аниқланди. Айбдорларга нисбатан жазонинг муқаррарлиги таъминланди.
Давлат солиқ қўмитаси фуқароларнинг қонуний ҳуқуқи бузилса, 244-98-98 рақамли ҳамда ҳудудий давлат солиқ хизмати органларида ўрнатилган «Ишонч телефони»га мурожаат қилишлари мумкинлигини эслатиб ўтмоқда.
Изоҳ (0)