Тошкентнинг Оқтепа майдони ҳудудида Cobalt автомобили трамвай йўлида қолдириб кетилди. Бу ҳақда Facebook’даги «Водители Ташкента» гуруҳи аъзолари хабар берди.
Постга илова қилинган расмда Cobalt автомобиль йўли четида, трамвай йўлининг ярмини эгаллаган ҳолда турганини, унинг ортида 8-рақамли трамвай тўхтаб қолганини кўриш мумкин.
Фойдаланувчиларнинг баъзилари машинанинг бензини тугаганини, бошқалар эса ҳайдовчи бу ердан трамвай ўтишидан бехабар бўлганини тахмин қилди. Кўпчилик Cobalt эгасини мумкин бўлмаган жойга тўхтагани ва жамоат транспорти ҳаракатини тўхтатиб қўйгани учун фаросатсизликда айблади.
Изоҳ (0)