Ҳиндистон расмийлари мамлакат ғарбида жойлашган Гужарот штатига давлат корхоналарида иш ўринлари ҳамда маҳаллий коллежларда ўқиш ўринлари оширилиши талабида ўтказилаётган намойишлар туфайли қўшин киритди, деб хабар бермоқда Reuters.
Штат ҳудудида комендантлик соати жорий этилган. Намойишлар 25 август куни Аҳмадобод шаҳрида Гужарот аҳолисининг катта қисмини ташкил этувчи патидар кастаси вакиллари томонидан бошланган. Уларнинг 21 ёшли етакчиси Хардик Пател қўлга олингач, полиция билан тўқнашув бошланган.
Тўқнашувлар оқибатида тўққизта полиция участкаси ва 30 та автобус ёқиб юборилган. Полиция кўздан ёш келтирувчи газлар ва таёқлардан фойдаланишига тўғри келган. Қайд этилишича, патидарлар Ҳиндистонда бой табақа ҳисобланиб, улар мамлакатда яшовчи мусулмонлар, шунингдек, қашшоқ табақаларга имкониятлар берилишига яққол қарши бўлган гуруҳлардан бири сифатида кўрсатилади.
Изоҳ (0)