Англиянинг Ғарбий Сассекс графлигидаги Шорхем шаҳрида бўлиб ўтган авиашоу вақтида Hawker Hunter ҳарбий бомбардимончи самолёти шосседа ҳаракатланаётган автомобиллар устига қулади, деб хабар бермоқда «Эхо Москви».
Самолёт юксак учувчилик машқларини бажариш вақтида ҳалокатга учраган. Ҳодиса оқибатида 7 киши ҳалок бўлиб, 15 киши жароҳат олган. Учувчи эса шифохонага ётқизилган.
Hawker Hunter қирувчи-бомбардимончи самолётлари Буюк Британия ҳарбий ҳаво кучлари таркибида 1950−1990 йилларда бўлган. Бу сериядаги охирги самолёт ўтган йили Ливанда рўйхатдан чиқарилган.
Изоҳ (0)