Украина Путиннинг Қримга ташрифи юзасидан Россияга норозилик нотасини юборди

Украина ташқи ишлар вазирлиги Россия президенти Владимир Путиннинг Қрим ҳудудига ташрифи юзасидан қатъий норозилик билдирди, дея хабар бермоқда «Лига. Новости».

Тегишли норозилик нотаси Россия ТИВга юборилди, унда Путин, Россия ҳукумати раҳбари Дмитрий Медведев ва бошқа мансабдор шахслар томонидан Украинанинг амалдаги қонунчилигига намойишкорона ҳурматсизлик кўрсатилганига изоҳ бериш талаб этилади.

«Қрим автоном республикаси ва Севастополь шаҳри бутун цивилизацияли дунё учун Украинанинг ажралмас қисми бўлиб қолади», — дейилади нотада.

Нашр эслатишича, 17 август куни Россия президенти Қрим автоном республикасига ташриф буюрди ва у ерда туризм масалаларига бағишланган мажлис ўтказди.