Россия ҳамда Эрон ташқи ишлар вазирлари Сергей Лавров ва Муҳаммад Зарифи Москвадаги музокаралардан сўнг, уларнинг мамлакатлари Сурия масаласида тутаёган йўл якдил эканини маълум қилди. Бу ҳақда «Европейская правда» хабар бермоқда.
Икки вазир ҳам Суриядаги можарога четдан таъсир ўтказишдан воз кечишга чақирди ва сурияликлар ўз келажакларини ўзлари ҳал этишлари, бошқа давлатлар эса бу жараённи енгил ўтишида кўмак бериши лозимлигини таъкидлади. Музокаралар чоғида, шунингдек, янги ядро реакторлари қурилиши масаласи ва икки давлат ўртасидаги бошқа лойиҳалар муҳокама қилинди.
Эслатиб ўтамиз, Лавров ўтган ҳафтада Сурия мухолифати вакилларини қабул қилган, унинг эронлик ҳамкасби эса Сурия президенти Башар Асад билан учрашган эди.
Изоҳ (0)