Ўзбекистон олий таълим муассасаларига кириш имтиҳони натижалари яқин кунларда эълон қилиниши кутилмоқда. Бу ҳақда Давлат тест маркази «Дарё»га маълум қилди. Натижалар айнан қайси санада эълон қилиниши ҳозирча маълум эмас, бироқ бу аниқ бўлиши билан «Дарё» орқали хабар топишингиз мумкин.
Қайд этиш жоизки, 2013 йилда кириш имтиҳонлари натижалари 16 август куни, 2014 йилда ҳам 16 август куни эълон қилинган. 2015 йилда ОТМларга 605 836 нафар абитуриент ҳужжат топшириб, рекорд қайд этилган эди. 2014 йилда 543 131 та, 2013 йилда 480 447 та, 2012 йилда эса 432 мингдан ортиқ ҳужжат топширилган.
Ўз навбатида, шу кунларда Telegram мессенжерида «Дарё»нинг 2013 йилги тест натижалари эълон қилиниши тўғрисидаги хабари тарқалаётгани ҳам маълум бўлди. Фойдаланувчилардан ушбу хабар эски маълумотлигига ва унинг санаси 2013 йил 15 август эканлигига эътибор қаратиш сўралади.
Изоҳ (0)