Тбилисида бўлиб ўтган УЕФА Суперкубоги баҳсида «Барселона» ҳамда «Севилья» клублари ўзаро кураш олиб боришди. Қизиқарли кечган беллашувда 5:4 ҳисоби қайд этилиб, каталонияликларнинг ғалабаси билан якунланди, деб хабар бермоқда «Uff.uz».
Ўйинда тўққизта гол киритилди. Мухлислар ростмана драматик учрашувга гувоҳ бўлди.
Дастлаб, ҳисобни «Севилья» очди. Орадан тўрт дақиқа ўтиб Месси орадаги фарқни йўққа чиқарди. Аргентиналик футболчининг ўзи яна битта гол уриб, «Барса»ни олдинга олиб чиқди. Рафиня ва Суаресларнинг голларидан сўнг барчаси энди тугугандек эди гўё.
Аммо, «Севилья» яна учта гол уриб, орадаги мувозанатни тенглаштира олди. Реес, Гамейро ва Коноплянкаларнинг голлари футболчиларни қўшимча бўлимларга бошлади. Лекин, барибир «Барселона» ўз сўзини айтди ва Педронинг киритган голи эвазига УЕФА Суперкубогини қўлга киритди.
УЕФА Суперкубоги
«Барселона» (Испания) – (Севилья) Испания 5:4 (3:1, 1:3, 0:0)
Голлар: 0:1 – 3 Банега, 1:1 – 7 Месси, 2:1 – 15 Месси, 3:1 – 44 Рафиня, 4:1 – 52 Суарес, 4:2 – 57 Реес, 4:3 – 72, пенальти Гамейро, 4:4 – 81 Коноплянка, 5:4 – 115 Педро.
«Барселона» – тер Стеген, Пике, Мате, Дани Алвес, Ракитич, Бускец, Инеста (Сержи Роберто, 63), Маскерано (Педро, 93), Рафиня (Бартра, 78), Месси, Суарес.
«Севилья» – Бету, Рами, Тремулинас, Коке, Банега, Иборра (Мариано, 80), Криховяк, Витоло, Крон-Дели, Реес (Коноплянка, 68), Гамейро (Иммобиле, 80).
Огоҳлантиришлар: Криховяк (14), Мате (71), Коке (88), Банега (90), Иммобиле (92), Педро (94), Бускец (117), Дани Алвес (120), Крон-Дели (120).
Изоҳ (0)