Ўзбекистон U-19 ёшлар терма жамоаси Япониядаги Balcom BMW халқаро турниридаги иккинчи ўйинда Япония ёшлар терма жамоасини 1:0 ҳисобида мағлуб этди. Бу ҳақда Ўзбекистон футбол федерацияси матбуот хизмати хабар бермоқда.
Япониянинг Хиросима шаҳрида давом этаётган Balcom BMW Cup халқаро турниридаги иккинчи учрашувда Жасур Абдураимов бошчилигидаги терма жамоа Япония ёшларига қарши майдонга тушди. Ўйиннинг 48-дақиқасида Жасур Яхшибоев томонидан киритилган ягона гол Ўзбекистон ёшларига ғалаба келтирди.
Эслатиб ўтамиз, Ўзбекистон ёшлар терма жамоаси мусобақанинг илк турида Польша ёшлар терма жамоасини пенальтилар сериясига кўра мағлуб этган эди. Япония ёшлари эса Хиросимани 2:0 ҳисобида мағлуб этганди.
Иккинчи тур баҳсларидан сўнг Ўзбекистон U-19 ёшлар терма жамоаси ўз очколарини 5 тага етказиб олди ва пешқадамга айланди. Жасур Абдураимов бош мураббийлигидаги терма жамоа мусобақанинг сўнгги турида 13 август куни Хиросима шаҳри ёшлар терма жамоасига қарши ўйнайди.
Balcom BMW Cup халқаро турнири.11 август. Хиросима, Япония.Ўзбекистон — Япония 1:0Гол: Жасур Яхшибоев (48).Ўзбекистон: Умид Ҳамроев, Ислом Қобилов, Хушнуд Авилов, Турсунбой Раҳимбердиев, Азизжон Ғаниев, Нурилло Тўхтасинов, Шароф Муҳиддинов, Достон Ибрагимов, Санжар Қодирқулов, Ҳусниддин Ғофуров, Беҳзод Ғанижонов.
Изоҳ (0)