Ўзбекистон Президенти Ислом Каримов 10 август куни Маъмурий жавобгарлик тўғрисидаги кодексга киритиладиган тузатишларни имзолади, улар белгиланган ҳаракат тезлигини оширгани учун транспорт воситалари ҳайдовчиларига солинадиган жарималарга аниқлик киритади. Бу ҳақда «Газета.uz» хабар берди. Ўзгартиришлар 11 августдан кучга кирди.
Маъмурий жавобгарлик тўғрисидаги кодекснинг янгиланган 128-1-моддасига кўра, транспорт воситалари ҳайдовчилари белгиланган тезликдан 40 км/соатдан кўпроқ катталикда ошса, энди энг кам иш ҳақининг 7 баробари миқдорида жаримага тортилади (аввал энг кам иш ҳақининг 10 баробарида жарима солинар ёки транспорт воситасини бошқариш ҳуқуқидан бир йил муддатга маҳрум қилинар эди).
Белгиланган тезликдан ошиш учун солинадиган жарималарнинг қолганлари ўзгаришсиз қолди.
Изоҳ (0)