Бугун,

  • USD 10940.05
  • RUB 182.26
  • EUR 11121.65

Тошкентда теннис бўйича ўсмирлар ўртасида ўтказилган NBU Cup халқаро турнирида Ўзбекистонлик ёш теннисчилар бош совринни қўлга киритди, деб хабар қилади ЎзА.

Фото: zimbio.com

Фото: zimbio.com

Турнирнинг ўсмирлар ўртасидаги баҳсларида қатнашган Ҳумоюн Султонов яккалик ва жуфтлик баҳсларида ғалаба қозонди. Яккалик баҳсларида учинчи рақамда сараланган ўзбекистонлик иқтидорли теннисчи қозоғистонлик Илья Таранинни 6:1, 6:1, жамоадоши Азамат Луқмоновни 6:0, 6:0, чорак финалда грециялик Иоаннис Папоунидисни 7:6, 6:0, ярим финалда россиялик Кристиан Лозанни 6:0, 6:1, ҳал қилувчи баҳсда яна бир жамоадоши Саидаъло Саидкаримовни 6:2, 6:3 ҳисобида мағлубиятга учратди.

Жуфтлик баҳсларида Ҳумоюн Султонов ва Шаробиддин Абзалов дастлабки баҳсда қозоғистонлик Родион Пак ва россиялик Вячеслав Юликни 6:1, 6:1, чорак финалда Шоҳрух Абдумаликов (Ўзбекистон) ва Андрей Ланграфни (Россия) 6:4, 6:3, ярим финалда россиялик теннисчилар Алексей Ковалёв ва Кристиан Лозанни 6:3, 6:2, финалда россиялик Тимур Игамбердиев ва қозоғистонлик Павел Петров жуфтлигини 6:4, 6:0 ҳисобида енгди.

Қизлар ўртасидаги жуфтликлар баҳсларида россиялик Камила Раҳимова билан ҳамкорликда кортга чиққан Камола Умарова ҳам бош совринни қўлга киритди.

Изоҳ
Асосий янгиликлар