Нью-Йорк марказида ўргимчак одам либосини кийган киши ўткинчи билан ёқалашди. Бу ҳақда New York Daily News хабар бермоқда.
Таймс-сквер майдонида 6 август, пайшанба куни бўлиб ўтган муштлашиш видеолавҳасини бунга гувоҳ бўлган Жефф Голдберг ўзининг Twitter’даги микроблогида жойлаштирган.
Тармоқдаги роликда можарони бир неча ўн киши кузатиб турганини кўриш мумкин. Улардан бирортаси олишаётганларни ажратишга ҳаракат қилмаган.
Бу ўргимчак одам либосидаги кишилар Таймс-сквер майдонида жанжал келтириб чиқараётган биринчи ҳолат эмас. Ўтган йилнинг июлида The New York Times 25 ёшли Жуниор Бишоп полициячилар билан муштлашгани ҳақида маълум қилган эди.
https://youtu.be/iDggSUpGwjE