Хитойнинг Аньхой вилоятида истиқомат қилувчи ошиқ йигит бриллиант кўзли никоҳ узугини сотиб олиш учун 150 килограмм танга тўплади. Бу ҳақда «Nur.kz» хабар бермоқда.
Хабар беришларича, 30 ёшли куёв Фуян шаҳридаги заргарлик дўконига уч ғилдиракли велосипедда икки қоп танга олиб келган. Дўкон ходимлари чақа пулларни бир неча соат давомида санаб чиқди — қопларда 12 минг юань (тахминан 1930 доллар) борлиги маълум бўлди.
Куёвнинг сўзларига кўра, у болалигида ўз дугонасига берган ваъдасининг устидан чиқиш учун пул тўплаган. Суюкли қиз ҳозирда 20 ёшда, ҳар иккаласи бола бўлган вақтда эса йигит қиз билан турмуш қуришга ваъда берган.
Заргарлик дўкони ходимлари бу хитойликнинг ўз муҳаббатига етиш йўлидаги ҳаракатларини абадийлаштириш мақсадида чақа пулларни дўкон музейига жойлаштиришга қарор қилган. Эҳтимол, улар чақа пулларнинг ҳаммасини санаб ҳам чиқолмагандир.
Куёв эса ҳозирги вақтда ўз севгилисига расман таклиф билдириш маросимини уюштириш билан банд. Хабар беришларича, қиз узук ҳақида эшитиб, жуда ҳаяжонланиб кетган ва йиғлаб ҳам юборган. У йигитнинг таклифига розилик билдирганми-йўқми, бунга аниқлик киритилмаган.
Изоҳ (0)