Шу йил ноябрида Zero South дея номланган экспедиция доирасида америкалик сайёҳлар гибридга айлантирилган Hummer H1 занжирли йўлтанламас автомобилларида Жанубий қутбни забт этиш ниятида. Сафар давомида 3D ва 4K шаклларида ўн қисмли ҳужжатли фильм ҳам олинади. Бу ҳақда «Мотор» хабар бермоқда.
«Хаммер»ларни тайёрлаш беш йил вақт олди. Экспедиция учун танлаб олинган икки машинанинг мотори ҳам Цельсий бўйича -51 даражада ишлай олади.
Бўлажак сайёҳларнинг айтишича, автомобилларни яратишда уларга ўзининг занжирли «Хаммер»ига эга Голливуд режиссёри Жеймс Кэмерон яқиндан ёрдам берган. У бундай машиналарни занжирли йўлтанламас автомобилларга айлантириш усуллари баён этилган техник ҳужжатни тақдим этган.
Изоҳ (0)