Mitsubishi Motors корпорацияси АҚШда автомобиллар ишлаб чиқаришни тўхтатиб, ўз эътиборини ўсиб бораётган Осиё бозорига қаратиш ниятида. Бу ҳақда Япониянинг Nikkei агетлигига таяниб, «Ведомости» хабар бермоқда.
Ушбу маълумот АҚШда Mitsubishi машиналарига эҳтиёж пасайиб бораётган пайтда ва компаниянинг Иллинойсдаги ягона заводи билан ишлаб чиқариш шартномаси муддати якунланишидан аввал пайдо бўлди. Mitsubishi Motors North America вакили компания Nikkei хабарини изоҳламаслигини маълум қилди.
Айтишларича, 2000 йилларда Иллинойсдаги завод йилига 200 мингдан зиёд автомобиль ишлаб чиқарган бўлса, ўтган йили бу кўрсаткич 70 мингга ҳам етмаган.
Nikkei манбаларига кўра, Mitsubishi заводни сотиш ва корхонадаги мингга яқин ишчи-ходим бандлигини таъминлаш масаласини ҳал этишга уриниб кўради.
Изоҳ (0)