Туркия пойтахтида уюштирилган рухсат берилмаган норозилик намойишлари иштирокчиларини тарқатиб юбориш учун полиция кўзни ёшлантирувчи газ ва сув отувчи қуроллардан фойдаланди, дея хабар бермоқда «ТАСС».
Жамоатчилик ташкилотлари вакиллари Анқара маркази яқинида матбуот учун баёнот қилиш мақсадида тўпланган. Уларнинг мақсади номаълум.
Аввалига, полиция намойишчиларнинг йўлини тўсиб, тарқалишни сўраган. Йиғилганлар бундан бош тортгач, ҳуқуқ-тартибот ходимлари кўзни ёшлантирувчи газ ва сув қуролларини қўллаган. Акциянинг икки иштирокчиси қўлга олинган.
Шунга ўхшаш намойишлар Истанбулда ҳам бўлиб ўтди. Юздан зиёд киши Ғозий туманида полиция томонидан ўлдирилган экстремист аёл Гунай Озасланнинг дафн маросими муносабати билан тўпланди ва кейинроқ полиция томонидан тарқатиб юборилди.
Изоҳ (0)