Anqara va Istanbuldagi ruxsat berilmagan namoyishlar tarqatib yuborildi
Turkiya poytaxtida uyushtirilgan ruxsat berilmagan norozilik namoyishlari ishtirokchilarini tarqatib yuborish uchun politsiya ko‘zni yoshlantiruvchi gaz va suv otuvchi qurollardan foydalandi, deya xabar bermoqda “TASS”.
Jamoatchilik tashkilotlari vakillari Anqara markazi yaqinida matbuot uchun bayonot qilish maqsadida to‘plangan. Ularning maqsadi noma’lum.
Avvaliga, politsiya namoyishchilarning yo‘lini to‘sib, tarqalishni so‘ragan. Yig‘ilganlar bundan bosh tortgach, huquq-tartibot xodimlari ko‘zni yoshlantiruvchi gaz va suv qurollarini qo‘llagan. Aksiyaning ikki ishtirokchisi qo‘lga olingan.
Shunga o‘xshash namoyishlar Istanbulda ham bo‘lib o‘tdi. Yuzdan ziyod kishi G‘oziy tumanida politsiya tomonidan o‘ldirilgan ekstremist ayol Gunay Ozaslanning dafn marosimi munosabati bilan to‘plandi va keyinroq politsiya tomonidan tarqatib yuborildi.
