Бугун,

  • USD 11014.01
  • RUB 191.8
  • EUR 10674.78

Осиё шахмат федерацияси Ўзбекистон Республикаси Президенти Ислом Каримовни «Йил кишиси» деб эълон қилди. Бу ҳақидаги расмий табрик мактуби Ўзбекистон шахмат федерациясига келиб тушган, деб хабар қилади «Olamsport.com».

Фото: magichess.uz

Фото: magichess.uz

Мактубда ёзилишича, Осиё шахмат федерацияси томонидан ўтказиб келинаётган анъанавий 2nd Annual Asian Chess Excellence Awards мукофотининг «Йил кишиси» номинацияси ғолиби сифатида Ўзбекистон Республикаси Президенти Ислом Каримов эътироф этилган.

Осиё шахмат федерацияси президенти Шайх Султон бин Ҳалифа Ал Нахён бу янгиликни расман эълон қилди. Хабарга мос тарзда суратлар ҳам илова қилиниб, унда Шайх Султон федерация бош котиби Хишам Ал-Тохир билан бирга номинация ғолибига тақдим этиладиган мукофотни намойиш қилган.

Фото: magichess.uz

Фото: magichess.uz

Ушбу номинация бўйича мукофот мамлакатда шахматга қаратилаётган эътибор, болалар спорти, хусусан шахматга берилаётган ғамҳўрлик, яратилаётган шароитлар ва доимий қўллаб-қувватлашни таъминлаётганлар учун топширилади.

Asian Chess Excellence Awards мукофоти ўтган йили таъсис этилган бўлиб, илк ғолибларни тақдирлаш маросими 2014 йилнинг 25 июль куни БААнинг Ал-Айн шаҳрида бўлиб ўтган эди. Ўшанда «Йил кишиси» номинациясида ғолиблик БААнинг Шаржа шаҳри амири Шайх Муҳаммад Ал Қосимига насиб этганди. Қосими 10 миллион АҚШ доллари эвазига дунёдаги энг катта шахмат клубини бунёд эттирганди.

Изоҳ
Асосий янгиликлар