Сураткаш Жордан Шираки ўз расмий сайтида Lamborghini Aventador LP 750-4 SuperVeloce (итальянчадан таржимаси — «ўта тезкор») суперкарининг родстери расмларини жойлаштирди, деб хабар қилади «Motor.ru».
Тахминларга кўра, Шираки янги Lamborghini учун фотосессия уюштирган. Сураткаш ўз сайтида Audi, Lamborghini ва Lexus билан ҳамкорлик қилганини ёзган.
Родстерда ҳам худди купе сингари 750 от кучи қувватини таъминловчи V12 двигатели мавжуд. Машинанинг характеристикаси ҳозирча номаълум. Купе 2,8 сонияда юз километр тезликка эришарди. Максимал тезлик соатига 350 километр билан чекланган.
Lamborghini Aventador LP 750-4 SuperVeloce’нинг купеси март ойида Женевадаги автосалонда намойиш этилганди. Машина 600 нусхада ишлаб чиқарилган ва уларнинг барчаси сотиб юборилганди. Родстер эса 500 нусхада чиқарилади.
Изоҳ (0)