Львов вилояти чемпионатида иштирок этувчи Винниковнинг «Рух» клуби Ўзбекистон миллий терма жамоасининг собиқ сардори Максим Шацких билан мавсум охиригача шартнома имзолади, деб хабар беради «Olamsport.com».
Бу билан 36 ёшли ўзбекистонлик футболчи йил якунига қадар ўз спорт формасини ушлаб туришни мақсад қилган. Максим Шацких ўз қарорини шундай изоҳлади.
«Шаҳарга келиб, вазият билан яқиндан танишдим. Бу ерда футбол ўйнаш учун етарлича шароитлар яратилган. Айниқса, футбол майдонига гап йўқ. Премьер-лигада ҳам бундай майдонлар кам.
Тўғри, ‘Рух’ таниқли клуб эмас, лекин жамоа тизимида ишлайдиган барча футболни жонидан ҳам ортиқ севади. Шу жумладан, клуб президенти Григорий Козловский ҳам. Мухлислари алоҳида мавзу. ‘Рух’ни танлашимга етарлича сабаблар бўлди», — деди Шацких.
Изоҳ (0)