Светлана Радзивил Мадриддаги турнирда бронзага эга бўлди

Испания пойтахти Мадрид шаҳрида енгил атлетика бўйича IAAF World Challenge турнири бўлиб ўтди, деб хабар қилади «Olamsport.com».

Баландликка сакраш секторида иштирок этган ўзбекистонлик Светлана Радзивил 194 см баландликни забт этиб, бронза медалини қўлга киритди.

Эътиборлиси, кумуш медаль соҳиби бўлган Леверн Спенсер ҳам айнан шу натижани қайд этди. Мезбонлар вакиласи Рут Бейтия эса 196 см кўрсаткич билан олтин медалга сазовор бўлди.

Изоҳ: Ўзбекистон Миллий олимпия қўмитаси аниқлик киритишича, Радзивил сент-люсиялик Леверн Спенсер билан бир хил натижа қайд этган ва иккала спортчи ҳам кумуш медали билан тақдирланган. Радзивил ушбу натижаси орқали Рио—2016 ўйинларига йўлланмани қўлга киритган.