Оғир вазнда WBA йўналиши чемпиони ўзбекистонлик Руслан Чагаев Франческо Пьянета билан жангдан кейин 120 кун ичида Фрес Окендо билан реванш жанги ўтказиши керак, деб хабар қилади «Arena.uz».
Эслатиб ўтамиз, 11 июль оқшомида Чагаев биринчи раунднинг ўзидаёқ италиялик Пьянетани нокаутга учратганди.
– Регламентга кўра, Окендо билан жанг 12 июлдан бошлаб 120 кун ичида Германияда ўтказилиши керак, – дея Чагаевнинг промоутери Тимур Дугазаевнинг сўзларидан келтиради «Р-Спорт». – Эҳтимол жанг Гамбургда ўтар, лекин нима бўлган тақдирда ҳам ҳаммасини Рамзан Ахматович Қодиров билан муҳокама қилиб олишимиз керак. Руслан Пьянета билан жангга бир йил тайёрланди, тўртта машғулот лагерида ишлади. Ҳозирча икки ҳафта таътил оламиз ва Окендога қарши учрашувга тайёргарликни бошлаймиз».
Изоҳ (0)