Назарбоев бутун ҳаёти ва фаолияти Қозоғистон билан боғлиқлигини таъкидлади

Қозоғистон президенти Нурсултон Назарбоев 6 июль, душанба куни 75 ёшга тўлди. Шу куни мамлакатда «Пойтахт куни» деб аталадиган расмий байрам ҳам нишонланди, дея хабар бермоқда «РИА Новости».

«Шаҳар куни, худди инсоннинг таваллуд айёми каби, тантаналар учун сабаб эмас, балки якунларни кўриб чиқиш имкониятидир. Мен учун юбилейлар шахсий байрам бўлган даврлар аллақачон ўтиб кетди. Бутун ҳаётим ва фаолиятим мамлакат билан боғлиқ». Назарбоев бу сўзларни «Пойтахт куни»га бағишланган тантанали қабул чоғида айтиб ўтган.

Давлат раҳбарининг таъкидлашича, у учун Қозоғистон, унинг пойтахти ҳамда минтақаларнинг янги-янги муваффақиятларидан яхшироқ табрик «бўлмаган ва бўлмайди ҳам».