Ўзбекистон Республикаси Ички ишлар вазирлиги тизимида бир қанча лавозимларга янги тайинланишлар бўлди. Бу ҳақда «Постда» газетаси хабар бермоқда.
Жумладан, майор Жаҳонгир Бахтиёрович Ёқубжонов Транспортдаги ИИБ Ёнғин хавфсизлиги бўлими бошлиғи лавозимига, майор Қудратжон Ғайратжонович Ўринбоев Фарғона вилояти Қўқон шаҳар ИИБ бошлиғи лавозимига, подполковник Сайидбаҳром Сайидбурхонович Сайидмусаев Фарғона вилояти Бешариқ тумани ИИБ бошлиғи лавозимига тайинланди.
Шунингдек, подполковник Баҳодирхўжа Зарипович Шарипов Бухоро вилояти Қоровулбозор тумани ИИБ бошлиғи лавозимига, подполковник Азиз Шуҳратович Алланазаров Қашқадарё вилояти Деҳқонобод тумани ИИБ бошлиғи лавозимига, майор Акбар Исмоилович Эгамназаров Сирдарё вилояти Ширин шаҳар ИИБ бошлиғи лавозимига тайинланди.
Изоҳ (0)