23 июнь куни Меҳнат ва аҳолини ижтимоий ҳимоя қилиш вазирлигида вазир А. Абдуҳакимов Япониянинг Chuo Sanyo Shinko ассоциацияси раҳбарлари Масаки Уно ва Казуми Маэда, шунингдек Towa Kawara Kenzai компанияси президенти Нобору Шимазаки билан учрашди, дея хабар бермоқда Вазирлик матбуот хизмати.
Унда томонлар аввалроқ Ўзбекистон меҳнат ва аҳолини ижтимоий ҳимоя қилиш вазирлиги ҳамда Таълим соҳасидаги ҳамкорлик бўйича Япония халқаро ташкилоти (JITCO) ўртасида имзоланган ўзбекистонлик стажёрларни Японияда техник тайёрлаш дастури бўйича ҳамкорлик тўғрисидаги Меморандумни тўлиқ кўламда амалга оширишга тайёрлигини тасдиқлади.
Япония вакиллари эксперимент тартибида ўттиздан ортиқ номзодлар билан суҳбат ўтказди ва Японияга меҳнат стажировкаси учун электротехника мутахассислиги бўйича бир неча кишини танлаб олди, улар 2015 йил октябрида Японияга жўнаб кетади.
Изоҳ (0)