Тошкент шаҳар Сергели тумани ИИБ навбатчилик қисмига Олмазор туманида яшовчи фуқародан, унинг бошқарувидаги Matiz русумли автомобиль номаълум шахслар томонидан олиб қочиб кетилгани ҳақида хабар келиб тушди, дея хабар бермоқда Ўзбекистон ИИВ матбуот хизмати.
Ички ишлар органлари ходимларининг аниқлашларича, ариза муаллифи ўз автомашинасини «Сергели» автомобиль бозори ҳудудида қаровсиз қолдирганлиги оқибатида олиб қочиб кетилган.
Хабар беришларича, тезкорлик билан олиб борилган чора-тадбирлар натижасида мазкур жиноятни содир этишда гумонланиб Сирдарё вилояти Янгиер туманида истиқомат қилувчи 48 ёшли аёл ва 18 ёшли йигит қўлга олинди.
«Мазкур ҳолат бўйича жиноят иши қўзғатилиб, тергов ҳаракатлари олиб борилмоқда», - дейилади вазирлик хабарида.
Изоҳ (0)