Туркиянинг Анталия шаҳридаги апартаментлардан бирида украиналик эр-хотин Вячеслав ва Майя Самилонинг жасадлари топилди, дея хабар бермоқда «Segodnya.ua».
Фожиа ҳақида қўшнилар уларнинг олти ёшли қизи орқали билган: қизча йиғлаб балконга чиққан ва сув, нон сўраган. Ота-онаси қаердалигини сўрашганида эса уларнинг уч кундан буён ухлаётганини айтган.
Воқеа жойига зудлик билан полиция етиб келди. Дастлабки маълумотларга кўра, эр-хотин алкогол комасига тушиб қолган, бу эса ўлимга олиб келган. Қўшнилар уларнинг спиртли ичимликларни суиистеъмол қилганини тасдиқлади. Бироқ украиналиклар ўлимининг якуний сабаби аниқланганича йўқ.
Қизча тиббий кўрикдан ўтказилди ва болалар ижтимоий марказига жойлаштирилди. Уни Украинадан қариндошлари келиб олиб кетиши кутилмоқда.
Изоҳ (0)