KFC’нинг Калифорниядаги ресторани муассасани товуқ ўрнига каламуш гўштидан таом тайёрлаганликда айблаган хўрандадан кечирим сўрашни талаб қилди, деб хабар беради Foxnews.
Ресторан вакиллари «каламуш» ДНКсини мустақил лабораторияда текширганларидан сўнг мижозни ёлғончиликда айблади. KFC’дагилар нафақат генетикларга мурожаат қилгани, балки ички текширув ўтказиб, барча ходимларни сўроқ қилганини ҳам таъкидлади.
Ресторанлар тармоғи вакили Родриго Коронелнинг сўзларига кўра, муассасани танқид қилган харидор Деворайз Диксон ноҳақ бўлиб чиқди. Диксон ва унинг адвокати ҳозирча KFC’нинг баёнотига жавоб бермаяпти.
Олдинроқ тармоқ менежерлари мижоз билан боғланишга уринганди, аммо у компания билан тўғридан-тўғри мулоқот қилишдан бош тортиб, бунинг учун юрист ёллаганди.
Июнь ойи ўрталарида Диксон кемирувчининг шаклига ўхшаш таом суратини ижтимоий тармоққа жойлаганди. Хўранда KFC ресторанида унга қовурилган каламуш келтиришганини ёзганди. Компания аввалига бу таом товуқдан тайёрланганини тушунтиришга уринди, аммо ушбу воқеа етакчи ОАВ томонидан ёзилганидан кейин ҳодисани синчиклаб ўрганишга қарор қилди.
Изоҳ (0)