Угандада расман энг хунук эркак деб тан олинган фуқаро саккизинчи марта ота бўлди, дея хабар бермоқда Metro.
47 ёшли Годфри Багума ва унинг 30 ёшли рафиқаси Кейт Наманда қиз фарзанд кўрди. Чақалоқ оиладаги олтинчи бола бўлди. Яна икки фарзанди Багуманинг биринчи никоҳидан туғилган.
Фанга номаълум касалликка чалинган Багума этикдўз бўлиб ишлаган ва 2002 йилда оиласи учун пул топиш мақсадида Угандадаги энг хунук эркак номи учун ўтказилган танловда қатнашган.
Танловда ютиб чиққач, эркак ўз касбини ўзгартирди ва қўшиқчи бўлди. Саҳна учун у Ssebabi тахаллусини танлади.
Багума биринчи хотинини хиёнатда айблаб, у билан ажрашди. Сўнг Наманда билан танишди ва 2008 йилда уларнинг биринчи фарзанди туғилди.
Айни пайтда Багума ўз концертларида қўшиқ куйлаб ва стенд-ап жанридаги ҳажвий чиқишлар қилиб, оиласини пул билан таъминлайди.
Изоҳ (0)