23 июнь, сешанба куни эрталаб Арманистон полицияси Ереван марказида электр энергияси нархи ошишига қарши уюштирилган норозилик акциясини тарқатиб юборди, деб хабар беради Meduza. Бунда полиция сув отувчи қурол ва кучдан фойдаланди.
Жами 237 киши қўлга олинди. Етти киши тиббий ёрдам сўраб мурожаат қилди, ҳуқуқ-тартибот органлари 11 нафар полициячи жабрланганини айтмоқда.
Ереванда электр нархи ошиши билан боғлиқ нотинчликлар 19 июндан буён давом этмоқда. 22 июнь куни кечқурун шаҳар кўчаларидан бирида муддатсиз акция бошланди, иштирокчилар ерга ўтириб олган ҳолда Арманистон президенти Серж Саргсяндан тарифлар ошиши ҳақидаги қарорни ноқонуний деб тан олишни талаб қила бошлади.
Изоҳ (0)