Сентябрда Халқаро космик станцияга йўл оладиган экспедициянинг учинчи аъзоси қозоғистонлик космонавт Айдин Айимбетов бўлади, дея хабар бермоқда Meduza Россия космик идорасига таяниб. Айимбетовнинг номзоди «Роскосмос» томонидан тасдиқланган.
Аввалроқ ушбу экспедиция таркибига британиялик қўшиқчи Сара Брайтман кириши режалаштирилган эди. Хонанда бунинг учун машғулотларга киришган эди, бироқ май ўрталарида оилавий шароити туфайли парвоздан воз кечган эди.
Экипажда Брайтмандан бўшаган жой учун япониялик бизнесмен Сатоси Такамацу, шунингдек профессионал космонавт бўлган, бироқ парвоз тажрибасига эга бўлмаган россиялик Сергей Прокопьев ва қозоғистонлик Айдин Айимбетов даъвогарлик қилаётган эди. Кейинроқ Такамацу ҳам парвозини бекор қилди.
Изоҳ (0)