АҚШнинг Чарльстон шаҳридаги черковда ўлдирилган тўққиз кишидан баъзиларининг қариндошлари ўқ очган 21 ёшли Диланн Руф билан учрашди ва уни кечиришларини айтди, деб хабар беради «Koрреспондент.net».
Суд мажлиси давомида қурбон бўлганларнинг қариндошлари унга мурожаат қилганда ҳам Руф ҳеч қандай ҳиссиётини кўрсатмади.
Полиция 17 июнь, чоршанба оқшомида афроамерикаликларнинг черковида содир этилган ушбу қотилликни нафратланиш сабабли содир этилган жиноят деб ҳисоблади.
Суд ҳужжатларидан аниқ бўлишича, Диланн Руф чоршанба куни кечқурунги саккиздан кейин черковга бориб, отишмани бошлашдан олдин бир соатга яқин ибодатга келганлар билан бирга бўлган.
Изоҳ (0)