Россия қаҳрамони Аҳматҳожи Қодиров номидаги минтақавий жамоатчилик фонди президенти Аймани Қодирова Чеченистоннинг 14 та йирик масжидида рўзадорлар учун ифторлик уюштиришга қарор қилди. Бу ҳақда Чеченистон раҳбари Рамзан Қодиров ўзининг Facebook’даги саҳифасида маълум қилган.
Бундан ташқари, жамғарма Макка ва Мадина шаҳарларида 50 минг киши учун, шунингдек Туркия, Иордания ва Қримдаги муҳтожлар учун ифторлик беради. Рамазон ойининг биринчи кунида Чеченистон аҳолисига қатор кафе ва ресторанларда бепул ифторлик таклиф этилади.
Қодировнинг сўзларига кўра, илк таровеҳ намози учун Аҳматҳожи Қодиров номидаги «Чеченистон юраги» масжидига минглаб одамлар тўпланиб, Чеченистон ва Россия учун, бутун дунё мусулмонлари учун дуо қилган. Намоз вақтида Рамазон бошланиши шарафига мушаклар отилган.
Изоҳ (0)