Ўзбекистон ҳукумати Ташқи иқтисодий алоқалар, инвестициялар ва савдо вазирлигига қарашли «Ўзэкспомарказ» АЖнинг 38,3 фоизини стратегик хорижий инвесторга сотиш ниятида. Бу ҳақда Review.uz хабар бермоқда.
Бундан ташқари, нашр маълумотларига кўра, стратегик хорижий инвесторга вазирликнинг яна бир тузилмаси – «Халқаро бизнес маркази» АЖ акцияларининг 29,9 фоизи таклиф қилинади.
Маълумот учун, 44,6 гектар майдонни эгаллаган «Ўзэкспомарказ» умумий майдони 21 минг квадрат метр бўлган кўргазма павильонлари, «Тошкентленд» кўнгилочар боғи, Япон боғи, «Аквапарк», дор йўли, 7 ресторанни ўз ичига олган. «Экспо» меҳмонхонаси ва Халқаро савдо маркази ҳам унинг ҳудудида жойлашган.
«Ўзэкспомарказ»да ҳар йили 50дан ортиқ турли халқаро кўргазма тадбирлари бўлиб ўтади, унда Европа, Осиё, Америка ва Океаниянинг 3 мингдан ортиқ фирма ва ташкилотлари иштирок этади.
Изоҳ (0)