Россия президенти маъмуриятига маҳаллий мансабдорлар устидан шикоят қилиш учун Москвага кетаётган Чебоксари (Чувашия Республикаси пойтахти) фуқаролари 13 июнь, шанба куни очлик эълон қилди, деб ёзади «РБК». Улар ўз саёҳатини давом эттира олмагач, шундай чора қўллаган.
Чувашияликларни олиб кетаётган автобус Владимирский вилоятининг Гороховец шаҳрида тўхтаганидан сўнг, ташувчилар автобус бузилганини баҳона қилиб, олдинга юришдан бош тортган. Чувашия давлат кенгаши депутати фикрича, ҳайдовчиларга маҳаллий амалдорлар босим ўтказган.
Автобуслар йўловчилари Гороховецда муддатсиз очлик эълон қилди. Улар Москвага олиб бориб қўйилмагунларича очликдан воз кечмоқчи эмас. Депутат сўзларига кўра, йўловчилар орасида болалар, пенсионерлар ва ногиронлар ҳам бор.
Чебоксари аҳолиси Путинга уй-жойдан мажбуран маҳрум қилинганлик юзасидан шикоят қилмоқчи. Гап шундаки, уларни 30—40 йил яшаган уйларидан кўчириб чиқаришмоқда, эвазига эса арзимаган товон пули таклиф қилишмоқда.
Изоҳ (0)