Россия президенти Владимир Путин Чеченистон раҳбари Рамзон Қодировга Ҳурмат орденини шахсан ўзи топширди. Бу ҳақда News.Liga.net хабар бермоқда.
Чеченистон раҳбари ва ҳукумати матбуот хизмати хабарига кўра, тақдирлаш маросими Москва Кремлида бўлиб ўтган. Қайд этиш жоиз, Қодировни ушбу мукофот билан тақдирлаш ҳақидаги фармонни Путин 2015 йил 9 мартида имзолаган эди.
Чеченистон ҳукумати матбуот хизмати хабарида қайд этилишича, Қодиров «меҳнат фаолиятида эришган муваффақиятлари, жамоатчилик фаолияти ва кўп йиллик ҳалол меҳнати учун» ушбу мукофот билан тақдирланган.
Эслатиб ўтамиз, Чеченистон раҳбари Рамзон Қодиров Россия қаҳрамони, Мардлик ордени соҳиби, IV даражали «Ватан олдидаги хизматлари учун» ордени ва бошқа мукофотлар эгаси ҳисобланади.
Изоҳ (0)