Шимолий Корея етакчиси Ким Чен Иннинг акаси Лондонга Эрик Клептоннинг концертига келганидан сўнг йўқолиб қолди. Бу ҳақда Yonhap ахборот агентлиги хабар бермоқда.
Ким Чен Чхол 23 май куни Москвагача учадиган самолётга чиқиши, сўнг Пекинга, ундан эса Пхеньянга йўл олиши керак эди. Бироқ у йўловчилар рўйхатида бўлмаган. Жанубий Корея матбуот маълумотларига кўра, КХДР етакчисининг акаси Пекинда ҳам кўринмаган.
BBC News маълумотларига кўра, Ким Чен Чхол хонанда Эрик Клептоннинг концертига ташриф буюриш мақсадида биринчи марта хорижга чиқаётгани йўқ. Бунгача у қўшиқчиинг Германия ва Сингапураги концертларига ҳам ташриф буюрган.
Маълумот учун, Ким Чен Чхол Шимолий Корея етакчиси Ким Чен Иннинг катта акаси ҳисобланади. Ким Ченнинг ўзи эса қариндошлари ва ҳукуматдаги ҳамкасбларига нисбатан қаттиққўл ва шафқатсизлиги билан танилган.
Изоҳ (0)