Берлинда истиқомат қилувчи 13 фарзанднинг онаси ҳисобланган 65 ёшли Аннегрет Рауниг бир йўла тўрт эгизак – уч ўғил ва бир қизалоқни дунёга келтирди. Deutsche Welle’нинг ёзишича, у тўрт эгизак туққан ёши энг катта аёл бўлди.
Аёл хомиладорликнинг 26 ҳафтасида, 19 май, сешанба куни туғди. Болаларнинг оғирлиги 655 граммдан 960 граммгача, бўйи 30-35 сантиметр. Ҳозирги вақтда улар янги туғилган чақалоқларнинг ҳаётини сақлаб қолиш учун мўлжалланган инкубаторларда сақланмоқда.
Рус ва инглиз тили ўқитувчиси ҳисобланган Раунигнинг 13 фарзандидан ташқари етти невараси ҳам бор эди. Унинг тўнғич фарзанди 40 ёшда бўлса, энг кенжа қизи – Лёла 10 ёшда. Айнан у онасидан кичик сингил ва ука олиб келишни сўраган, Рауниг эса бунга рози бўлганди.
Изоҳ (0)